الأسلام وعلومه
أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمــات، بالضغط هنا كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
الأسلام وعلومه

الأسلام وعلومه


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

واخيرا وليس اخرا...مسابقة...احلى صورة لاحسن مصور لعام 2011

اذهب الى الأسفل  رسالة [صفحة 1 من اصل 1]

ثروووووت


السلام عليكم ورحمة الله
وبركاته





اخوانى
واخواتى




اقدم لكم مسابقة
احلى صورة لأحسن مصور لعام
2011




واللى فيها اتفقنا على ان المسابقة تكون عبارة عن مشاركة
المتسابقين بصورهم التى قاموا بتصويرها
بانفسهم فقط ،
وغير مسموح للمتسابق بتقديم صوره منقوله من النت او مش من تصويره
الخاص




وذى ما اتفقنا ان الصور دى تكون مُلتقطة فقط للمناظر
الطبيعية مثل
( السماء - الشمس - القمر - النجوم - البحر -
النيل - الورد - الشجر - الثمار ...... وهكذا
)




طيب ،
اكيد بتسألوا ايه الغرض من المسابقة دى وايه علاقتها بالقسم الاسلامى
؟




انا اقولكوا ، اولا فى غرض ظاهرى وغرض باطنى للمسابقة الجميلة
دى
.

الغرض الظاهرى تنمية موهبة التصوير عندنا وان نستثمر هذه الموهبة فى شىء مفيد
ونتبادل الصور التى التقطناها بأنفسنا بيننا
.


[center]اما الهدف الباطنى لهذه المسابقة شيئين
اول شىء ذكرالخالق عز وجل وتسبيحه وهفسر ده ازاى، ثانى شىء اننا نعرف قيمة الجمال
فى حياتنا والجمال هنا جمال الطبيعة وكمان نعرف ان ربنا خلق الطبيعة الجميله دى
بالوانها الرائعه دى عشان دايما لما نشوفها نقول سبحان الله واننا نبطل نفكر فى
مشاكلنا وبس، ونبص شويه حوالينا ونتفكر فى خلق
الله
للطبيعة ونتمتع بجمالها ونبتهج بها عشان نستمد منها قوتنا من تانى ونقدر نكمل
حياتنا بمشاكلها.


انا عارفه
ممكن تستغربوا من الهدف ده لكن عشان اوضح لكم الفكرة اكثر هحكيلكم الموقف البسيط
ده

" من شهر واحد بالظبط سمعنا خبر وحش فى الجامعه انهم
هيقدموا الامتحانات وبالتالى مواعيد تسليم المشاريع اتقدمت واحنا ماكناش لسه خلصنا
اى حاجه فيها ، المهم خرجنا من المدرج وكلنا شايلين الهم على دماغنا وفجأه وانا
مخنوقه قولت لصحابى سيبونى شويه اتمشى لوحدى فى الجامعه ، واثناء وانا بتمشى لفت
نظرى الورد الجميل المزروع عندنا ومن جماله ماقدرتش اسيبه وامشى وفضلت واقفه ابص
عليه وساعتها قولت
(ايه ده انا اول مرة اشوف الورد ده هنا،
ازاى مش اخت بالى منه قبل كده)
وقررت انى اصوره كله
ورده ورده !!
ووقتها عرفت قيمة الشجر والورد والسماء
الجميلة فى حياتنا وده
خلانى اسال نفسى سؤال هو ليه
الشجر لونه اخضر مش احمر طب ليه الورد ملون مش كله لون واحد وليه السماء زرقاء مش
صفراء ، فساعتها عرفت بجد قيمة
الطبيعة الرائعة دى
وقولت سبحان الله من قلبى.

ولما رجعت
لاصحابى كنت فى غاية السعادة حسيت انى استمديت طاقة كبيرة جدا تخلينى احل
مشكلتى
. ولما سألونى اصحابى كنتى فين قولت لهم كنت
بصور الورد الى فى الجنينة، الصراحه هم زعقولى فى الاول وعاتبونى ازاى اسبهم فى
المشكله دى وانا رايحه اصور !! لكن اول ما وريتهم الصور ، كلهم اتفاجئوا وامبسطوا
فى نفس الوقت وقالولى ايه ده جبتى الورد ده منين ؟ وماصدقوش ابدا ان الورد ده عندنا
فى الجامعة.
فعرفت واتاكدت ان مش انا لوحدى اللى كنت
متجاهله جمال الطبيعة، عشان كده فكرت انى اورى الصور دى لاصحابى كلها عشان يعرفوا
حكمة ربنا فى خلقه العظيم، وتوالت علي الافكار الى ان قررت ان اعمل مسابقة هنا
بعنوان احلى صورة تدعو لذكر وتسبيح وتكبير الخالق لان بالطبيعى لما نشوف الصور دى
هنقول سبحان الله ونشوف الدنيا احلى وهو ده هدفها الحقيقى الباطنى . ولانها مسابقة
فى المنتدى فلها جوايز والقاب وده هدفها
الظاهرى"




معلش طولت
عليكوا بس كان لازم اقول الكلام ده





طب نيجى
لشروط المسابقة :-



1- ان تكون الصور من تصوير الشخص نفسه وليست منقوله من اى موقع
.

وهنا ممكن حد
يسال ازاى هتعرفى انها من تصويره وانه مش ناقلها ، هقوله بسيطة الاجابة فى موقع
tiny eye
.




2- الّا تحتوى على صور اشخاص مطلقا لا صور اطفال ولا
رجال ولا نساء انما صور طبيعية
فقط.



3- الا تقل عدد الصور المشارك بها
عن 15 صورة ولا تزيد عن2
0
صورة.

( ممكن العدد ده يتغير على حسب الصور المتاحة بين ايدى المتسابقين
)



4- ان تكون الصور ملتقطة لعددة مناظر مختلفة ، بمعنى الا يشارك
العضو بصورتين متماثلتين مختلفتين فى الزاويه فقط ويعتبرها صورتين انما تعتبر كصورة
واحدة
بمعنى
ممكن ان يشارك العضو باكثر من صورة واحده لمنظر
واحد بعددة لقطات مختلفة وهنا تعتبر صورة واحده فقط وليس اكثر من صورة
.




6- ان يُلحِق المتسابق تعليقا مفسرا لموقف التقاطه للصورة يعنى يشرح
لنا الصورة دى ايه والتقطها امتى وفين
وليه.




7- ان يذكر نوع كاميرته لانها بالطبع ستؤخذ فى الحسبان عند التقييم
لان لا يمكن ابدا هقارن بين صورة مأخوذه بكاميرة موبايل وصورة اخرة بكاميرا عاديه
وصورة اخرى ماخوذة بكاميرا ديجتال.
لان لجنة تقييم الصور
ستاخذ باعتبارها ان هناك فرق بين جودة الصور الماخوذه بالكاميرات المختلفة
المذكورة. لذا سيتم تقييم جودة الصور للمتسابقين كل واحد على حدى
.



بالنسبة
لتقييم المشاركات :-



1- عدد الصور التى شارك بها العضو
.



2- درجة تنوع المناظر الطبيعية الملتقطة فى الصور اى اختلاف الصور ما
بين ( السماء - القمر - الورد – الشجر – النيل – البحر )
.



3- درجة احساس المصور فى الصور نفسها يعنى درجة فنه فى تقدير وتقييم
المنظر الطبيعى وهو بيصوره .



4- درجة الدقة فى التصوير اى لا تكون الصورة مهزوزة
.



5- درجة الغرابة اى ان تكون الصور نادرة وغريبة
.



6- درجة الاحساس بالبهجة فى الصور يعنى ماتكونش كل الصور اللى شارك
بها المتسابق كئيبه تبعث روح الكآبة فى المشاهد يعنى ماتكونش كلها تدل على الحزن
ويملأها الظلام والخوف.



7- درجة ضبط زوايا الصورة وده بيوضح فن المصور فى
تصويره.





جوائز
المسابقة :-
بداية
الكل فائز فى المسابقة لكن على اختلاف الدرجات والجوايز عبارة عن شهادات
تقدير.





ملحوظة:
- لا يشترط نوع كاميرا معين ، اى نوع من الكاميرات شغال حتى لو كانت
كاميرة موبايل).

- من المؤسف انى مش هكون معاكم كمتسابقة ، لكن ده مايمنعش انى
هشارككم بردو بصورى ان شاء الله.

- المسابقة هتبدأ من اليوم الأحد القادم
23/1/2011م لحد اخر يوم فى اجازة نصف السنة
.

- باب المسابقة مفتوح للاشتراك لحد 5/2/2011م
.

- اعتقد
كده مش نسيت حاجة بس
لو محتاجين اى توضيح اسألوا مافيش
مشاكل خالص .

__________________

[/center]

MAX_DJ

avatar
والله المسابقه كلها محفزه بس في كذا سؤال


1-المسابقة هتبدأ من اليوم الأحد القادم 23/1/2011م لحد اخر يوم فى اجازة نصف السنة.

ده معناه إنها إيتدت وأخر يوم في أجازه تص السنه ده معناه لحد 14/2/2011


2-المفروص علي أسجل فن المسابقه وأرفع الصور على أي موقع


3- إيه هوموقع tiny eye


يارت تفيدني بسرعه
[/b][/b]


^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^
[ندعوك للتسجيل في المنتدى أو التعريف بنفسك لمعاينة هذا الرابط]

حسن عطوة

avatar
والله الموضوع جيدا


^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^-^
[ندعوك للتسجيل في المنتدى أو التعريف بنفسك لمعاينة هذه الصورة]

ايمن

avatar
الموضوع جميل بس فين المسابقة

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى